Engurras
A amizade xurde cando menos o esperas
O recoñecido debuxante Paco Roca (Valencia, 1969) consegue artellar en Engurras unha narración baseada na humanidade dos personaxes, de aí que poida interesar a lectores de calquera idade malia falar da dexeneración senil e do alzhéimer. Emilio, un antigo empregado da banca, é internado pola súa familia nunha residencia de anciáns e aos poucos vai aceptando ese novo domicilio, as súas regras e as rutinas diarias. Mais a súa memoria comeza a se borrar, por moito que tente contrarrestar ou agochar os efectos da enfermidade. Engurras conta con precisión e dende unha ollada intimista non exenta de dureza esa batalla contra a vellez, ata que as súas páxinas se volven totalmente brancas. Unha conmovedora historia, que mereceu o Premio Nacional de Cómic en 2008 e que conta xa con adaptación ao cinema.
- Ano: 2011
- País: Spain
- Xénero: Animation, Drama, Comedy
- Estudo: Cromosoma TV produccions, Elephant in the Black Box, Perro Verde Films
- Palabra clave: adult animation
- Director: Ignacio Ferreras
- Reparto: Tacho González, Álvaro Guevara, Mabel Rivera, Raul Dans, Montse Davila, Chelo Diaz
